Xocalı rayonu ərazisində daha 95 erməni ailəsi məskunlaşdırılıb? - FOTOLAR
Separatçı-terrorçu erməni rejimi Rusiya və Qərbdəki havadarlarının dəstəyi ilə Qarabağda qanunsuz məskunlaşdırma siyasətini davam etdirir.
Sentyabrın 2-də Xocalı rayonunun müvəqqəti olaraq Rusiyanın “sülhməramlı” sayılan hərbi kontingentinin nəzarətində qalmış və “Astxaşen” adlandırılan Daşbulaq kəndi ərazisində 95 köçkün hay ailəsinə eyni evlərin açarları təqdim edilib.
Bu məlumatı Xankəndindəki separatçı nəşrlər yayıb.
Məlumata görə, Daşbulaq ərazisində 2021-ci ilin yazından bəri tikilən, ümumilikdə 136 ev 2020-ci ilin 44 günlük savaşında Azərbaycan ordusu tərəfindən azad edilmiş Xocalı rayonunun Sığnaq, Moşhmaat, Mədətkənd və Dəmirçilər kəndlərindən könüllü köçmüş ermənilər üçün nəzərdə tutulub.
Xocalı rayonu ərazisində ermənilər üçün evlərin tikintisi “Hayastan” ümumerməni fondu tərəfindən maliyyələşdirilir.
