"Elmi Araşdırmalar" İctimai Birliyi "Qərbi Azərbaycan abidələri" adlı filmin çəkilişinə start verdi - FOTOLAR
QHT Ermənistanın ərazisində Azərbaycan xalqına məxsus tarixi-dini abidələrin məhv edilməsi ilə bağlı “Erməni vandalizmi: Qərbi Azərbaycan abidələri” filminin çəkilməsi (azərbaycan və ingilis dillərində) layihəsini icra edəcək.
Azsiyaset.com xəbər verir ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Elmi Araşdırmalar” ictimai birliyi tərəfindən həyata keçirilən Ermənistanın ərazisində Azərbaycan xalqına məxsus tarixi-dini abidələrin məhv edilməsi ilə bağlı “Erməni vandalizmi: Qərbi Azərbaycan abidələri” filminin çəkilməsi (azərbaycan və ingilis dillərində) filminin çəkilməsi adlı layihə 15 sentyabr – 15 noyabr 2022-ci il tarixləri əhatə edən 2 (iki) ay müddətində icra olunacaq.
İdeya indiki Ermənistanın yerləşdiyi Azərbaycanın tarixi torpaqlarında ermənilərin tarixi-dini və mədəniyyət abidələrinə qarşı törətdikləri vandalizm aktlarını, abidələri saxtalaşdırmaq istiqamətində cinayət əməllərini faktlarla beynəlxalq aləm qarşısdında ifşa etməkdən ibarətdir.
Bu layihəni həyata keçirməkdə əsas məqsəd indiki Ermənistanın yerləşdiyi torpaqlarda ermənilərin Azərbaycana tarixən məxsus olan torpaqlarda tarixi-dini və mədəniyyət abidələrinə qarşı törətdikləri vandalizm aktlarını beynəlxalq ictimaiyyətə çatdırmaqdır. İkinci məqsəd erməni işğalçılarının tarixi-dini və mədəniyyət abidələrinin dağıdılmasını yaxud saxtalaşdırılmasını məqsədyönlü şəkildə, azərbaycanlılara qarşı düşünülmüş şəkildə etnik təmizləmə siyasəti həyata keçirdiyini sübut etmək və göstərməkdən ibarətdir.
Bununla əlaqədar əvvəlcə “Erməni vandalizmi: Qərbi Azərbaycan abidələri” sənədli filminin çəkilməsi üçün zəruri faktoloji materialların toplanması və müsahibələrin alınması planlaşdırılır. Çəkiliş qrupu formalaşdırılıb, mövzu üzrə olan respondentlərdən müsahibələr alınacaq.
Daha sonra toplanmış materiallar əsasında “Erməni vandalizmi: Qərbi Azərbaycan abidələri” sənədli filminin ədəbi-bədii ssenarisi yazılacaq, sonra isə ssenari redaktə üçün filmin redaktoru tərəfindən redaktə ediləcək, sənədli filmdəki tarixi məqamlar filmin elmi məsləhətçisi tərəfindən dəqiqləşdiriləcək, zərurət yarandıqda, zənginləşdiriləcək. Bundan sonra ssenari əsasında sənədli filmin montaj prosesi həyata keçiriləcək, mətn oxunacaq, videomontaj həyata keçiriləcək.
“Erməni vandalizmi: Qərbi Azərbaycan abidələri” sənədli filminin azərbaycan dilində olan versiyası hazırlanaraq müvafiq ekspert rəyi alınması məqsədi ilə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin ekspert komissiyasına təqdim olunacaq və zəruri dəyişikliklər ediləndən sonra müsbət rəy alınacaq.
Növbəti mərhələdə layihə çərçivəsində hazırlanan “Erməni vandalizmi: Qərbi Azərbaycan abidələri” sənədli filminin Bakı şəhərində yerləşən ali təhsil müəssisələrindən birində aparıcı KİV-lərin iştirakı ilə geniş ictimaiyyətə təqdimat mərasimi həyata keçiriləcək. Sonuncu mərhələdə isə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə layihənin icrası ilə bağlı təsviri hesabat, maliyyə hesabatı və bütün digər zəruri sənədlər təqdim ediləcək.
Hazırlayacağımız sənədli film indiki Ermənistanın yerləşdiyi Azərbaycanın tarixi ərazilərində ermənilər tərəfindən tarixi-dini və mədəniyyət abidələrinin dağıdılması yaxud bunları saxtalaşdırılması ilə bağlı müfəssəl məlumatlar Azərbaycan cəmiyyətinə və beynəlxalq ictimaiyyətə təqdim ediləcək.
Təqdim olunan faktlar əsasında Ermənistanın dövlət səviyyəsində Azərbaycana və azərbaycanlılara qarşı etnik təmizləmə siyasəti yürütdüyü sübut ediləcək.Təqdim olunan faktların gənc nəsil tərəfindən mənimsənilməsi təmin olunacaq. İndiki və gələcək nəsillər üçün informasiya müharibəsində zəruri faktoloji və arxiv material rolunda çıxış edəcək.
Beynəlxalq erməni lobbisi və onların havadarlarına qarşı mübarizənin ön sıralarında olan Azərbaycanın diaspor təşkilatlarını tutarlı və təkzibolunmaz materiallarla təmin edəcək.
