"Bizi İran PUA-ları ilə vururlar" - Zelenski
10 oktyabr, 2022 12:32
“Çətin səhərdir. Terrorçularla mübarizə aparırıq”.
Azsiyaset.com xəbər verir ki, bunu Ukrayna Prezidenti Volodimir Zelenski öz teleqram kanalında paylaşdığı videomüraciətdə deyib.
“Onlarla raket, İran istehsalı “Şahed” pilotsuz uçuş aparatları. Onların iki hədəfi var. Birincisi, bütün ölkəboyu enerji obyektləridir. Onlar təşviş və xaos yaratmağa çalışır, bizim enerji sistemlərimizi məhv etmək istəyirlər. İkinci hədəf insanlardır. Onlar daha çox zərər vurmaq üçün belə bir vaxt və hədəflər seçiblər. Bu gün sığınacaqlarda qalın. Hər zaman təhlükəsizlik qaydalarına əməl edin və hər zaman yadda saxlayın ki, Ukrayna bu düşmən peyda olmazdan əvvəl də var idi, ondan sonra da olacaq”, - deyə Zelenski qeyd edib.
