"Bir qarış torpaq" deyə-deyə təkcə Qarabağ deyil, Ermənistan da qarış-qarış düşmənə təslim olub"
Ermənistandakı bugünkü acınacaqlı təhlükəli vəziyyət “bir qarış torpaq” tezisini ələ salmağın nəticəsidir.
Bu barədə İranşünas Vardan Voskanyan öz Facebook səhifəsində yazıb.
“Düşmən Cermukun (Dərələyəz mahalı) kənarında, Ermənistan ərazisindədir. Bu da təəssüf ki, “Laçını təslim et – hər şey yaxşı olacaq, Kəlbəcəri təslim et – hər şey yaxşı olacaq, Ağdamı təslim et – hər şey yaxşı olacaq”, “Qarabağı təslim et – hər şey yaxşı olacaq”, “Biz keçmiş Ermənistan SSR sərhədinə çəkiləcəyik – hər şey düzələcək” tezislərinin tamamilə boş, əsassız və təhlükəli idi.
Onilliklər ərzində müxtəlif səviyyələrdə düşünmədən “bir qarış torpaq” tezisini ələ salaraq o yerə çatmışıq ki, təkcə Qarabağın deyil, Ermənistanın da qarış-qarış ərazisi düşmənə təslim olub.
Və Ermənistandakı bugünkü acınacaqlı təhlükəsizlik vəziyyətinin “simvolu” Cermuk da “bir qarış torpaq deyil” tezisini ələ salmağın nəticəsidir və bu tezisin qurbanı olub”, – deyə Voskanyan bildirib.
