Tanınmış iş adamının evinə basqın edən Anar Həsənli kimdir?
“Ölkənin tanınmış iş adamlarından olan Müqayis Verdiyev bir qrup şəxsin hücumuna məruz qalıb. Belə ki, Anar Həsənli adlı şəxsin sifarişi ilə 30 nəfər adam iş adamının evinə hücum çərəkərək qanunsuz tələblər irəli sürüblər”.
Bu barədə Azsiyaset.com-a daxil olan məlumatda bildirilir.
Qeyd olunur ki, M.Verdiyev uzun illərdir ki, Sumqayıt şəhərində icra hakimiyyətinin sifarişləri əsasında təmir-tikinti işləri aparır, bu günə qədər şəhərdə tikilən bir çox infrastrukturlar məhz onun rəhbərliyi altında və ən yüksək səviyyədə reallaşdırılıb. O, bu gün də Sumqayıtda bu istiqamət aparılan işlərini davam etdirir. Ancaq əldə olunan məlumatlardan aydın olur ki, Sumqayıt Şəhər İcra Hakimiyyəti iş adamının gördüyü işlərin maddi tərəfini ödəməkdən məqsədli şəkildə yayınır. O, icra hakimiyyətdən pulunu tələb edir, əvəzində isə fərqli situasiya ilə qarşılaşır, təzyiqlərə məruz qalır.
Saytımıza daxil olan məlumata görə, M.Verdiyevin evinə hücum çəkən adamların başında duran şəxs Anar Fəxrəddin oğlu Həsənli Sumqayıt Şəhər İcra Hakimiyyətinin başçısı Zakir Fərəcovun qohumudur. A.Həsənli Z.Fərəcovun qohumu olduğunu hər yerdə xüsusi fəxrlə deyir. O, Z.Fərəcovun çətiri altında geniş biznes imkanlarına sahiblənib və özü üçün qoçu dəstələr saxlayır. Sumqayıtda yerləşən “Çıraq” şadlıq sarayı və Binəqədi rayonundakı “100 cars” avtosalonu da ona məxsusdur.
Əldə etdiyimiz başqa bir məlumata görə, A.Həsənlinin M.Verdiyevin evinə göndərdiyi şəxslər Qarabağ qaziləridir. Göründüyü kimi, O, Qarabağ qazilərindən şəxsi məqsədləri üçün istifadə edir. Qazilərin durumundan istifadə edərək onların əli ilə iş adamını təhdid etmək yoilverilməzdir və bu, qanunla məsuliyyət yaradır.
Bir məsələni da qeyd edək ki, M.Verdiyev xeyriyyəçi iş adamı kimi tanınır. O, indiyə qədər Qarabağ qazilərinə, şəhid ailələrinə dəstək göstərib, onların maddi-sosial problemlərinin həllində birbaşa iştirak edib. M.Verdiyev müharibə dövründə Prezident İlham Əliyevin çıxışlarından irəli gələn məsələlərin həllində bir vətəndaş kimi iştirak etməyi özü üçün borc bilib. Qarabağ qazilərini öyrədib iş adamının qanunsuz pul tələb etmək nə A.Həsənliyə, nə də Z.Fərəcova başucalığı gətirməyəcək. A.Həsənlidən öncə də Qarabağ qazilərindən alət kimi istifadə edən şəxslər qanun qarşısında cavab veriblər. İnanırıq ki, o da məsuliyyətdən qaça bilməyəcək.
Maraqlı və dəhşətli situasiyadır: M.Verdiyev gördüyü işlərin pulunu icra hakimiyyətindən qanuni şəkildə tələb edir, Z.Fərəcov isə A.Həsənliyə pul borcludur. A.Həsənli ilə M.Verdiyev arasında heç bir alış-veriş olmadığı halda, Z.Fərəcov A.Həsənliyə deyir ki, borclu olduğu pulu gedib M.Verdiyevdən alsın...
Z.Fərəcovun icra başçısı işlədiyi bu uzun müddət onun xeyli qaranlıq əməlləri ilə doludur. Bu barədə mətbuatda zaman-zaman materiallar da dərc edilib. Bu baxımdan, iş adamı M.Verdiyevi hansı təhülkələrin gözlədiyini təsəvvür etmək elə də çətin deyil.
Mövzunu diqqətdə saxlayacağıq...
Azsiyaset.com
