Vaqif Axundov XDMX-nin zabitini qanunsuz şəkildə işdən çıxarıb - ŞİKAYƏT
“Ya pensiya problemim həll edilsin, ya iş stajı nəzərə alınaraq xidmətimi davam etdirməyimə imkan yaradılsın. Məni hər ikisindən məhrum ediblər”
“1999-cu ilin yanvar ayından Xüsusi Dövlət Mühafizə Xidmətində (XDMX) işləyirdim, amma general-polkovnik Vaqif Axundov dəfələrlə məni otağına çağırıb işdən çıxmağımla bağlı təzyiqlər edirdi. Xidmət müddətində qüsursuz xidmətə görə ikinci dərəcəli medalı almışam. O, mənə "ya namaz, ya xidmət" deyərək, qarşımda ağır şərtlər qoyurdu. Məni işdən çıxarmaq üçün bəhanələr axtarırdı. İldə bir neçə dəfə bütün heyət tibbi komissiyadan keçməli idi, növbəti komissiya zamanı mənim qan analizimdən bəlli oldu ki, şəkərin miqdarı normadan cüzi artıqdır. Həkim komissiyasının qənaətinə görə, sıradan kənar hərbi qulluğa yararlı hesab edilirəm. Amma 2010-cu ildə məni xəstəliklə əlaqədar işdən azad etdilər. 2010-cu ildən, 2021-ci ilə kimi mən pensiya alırdım. 2021-ci ildə məndə müddətsiz ikinci qrup əlillik müəyyən olunmalı idi, lakin pensiyanın verilməsi dayandırıldı. Bakı İnzibati Məhkəməsi, mənim 49 yaşımı, 4 övlad atası olduğumu nəzərə alaraq, pensiya verilməsinin dayandırılmasını ədalətsiz hesab etdi. Əmək və Sosial Müdafiə Nazirliyində yenidən şikayətimi geri qaytararaq izah etdilər ki, mənim həqiqətən əmək qabiliyyətim var, çünki xəstəlik ağır formada deyil, və on il öncə mənim əlilliyim qəsdən qanunsuz olaraq təyin edilmişdi. Belə qənaətə gəlmək olar ki, məni işdən kənarlaşdırmaq üçün, bunu idarədən sifarişli etdilər”.
Bu fikirləri Azsiayset.com-a keçmiş XDMX-nin zabiti, kapitan Ceyhun Həsənzadə bildirib.
O qeyd edib ki, bütün əngəllər ondan ötəri yaradılırdı ki, yorulub öz istəyimlə işdən çıxım, lakin mən xidmət etməyə davam edirdim:
“Xidmət müddətində qüsursuz xidmətə görə ikinci dərəcəli medalım var. Əslində eyni vəzifədə on il xidmət aparanda, "1-ci dərəcəli usta" dərəcəsi almalı idim, lakin rəhbərlik tərəfindən ikinci dərəcə məsləhət görülmüşdü. İşlədiyim müddətdə ailəli olmuşam, 4 övladım var, ev növbəsinə dumalı olan halda, ev növbəsinə də salınmamışdım”.
Kapitan C.Həsənzadənin dediyinə görə, dəfələrlə dini əqidəsinə görə ona əngəllər törədilirdi:
“Məsələn, XDMX-nın rəisi Vaqif Axundov onu dəfələrlə öz kabinetinə çağırıb, "ya namaz, ya xidmət" deyərək ultimatum formasında şərtlər irəli sürürdü. Halbuki, Konstitusiyamızın 25.III Maddəsinə görə, dini, irqi, qulluq mövqeyi və s. üzərindən heç kəsin hüquqları məhdudlaşdırıla bilməz. XDMX-nın Xüsusi Təyinatlı dəstənin kurslarının iştirakçısı olmuşam. Ancaq nəticədə xəstəliyimlə əlaqədar ədalətsiz şəkildə işdən çıxarılmışam. Ölkə Prezidentinə müraciətimdən sonra, XDMX-nın şəxsi heyətlə iş üzrə şöbə müdiri Seyidov Məmməd məni yanına çağıraraq, öz köməkçisi Süleymanov Raufla bir yerdə Əmək və Sosial Müdafiə nazirliyin tibbi ekspertiza komissiyasına göndərmişdi. Orada mənə əmək qabiliyyətsiz ikinci qrup əlillik verilmişdi. Beləliklə, 2010-cu ildən, 2021-ci ilə kimi pensiya alırdım”.
C.Həsənzadə bildirib ki, 2021-ci ildə müddətsiz ikinci qrup əlillik müəyyən olunmalı idi, lakin pensiyanın verilməsi dayandırıldı:
“Bakı İnzibati Məhkəməsi, onun 49 yaşımı, 4 övlad atası olduğumu nəzərə alaraq, pensiya verilməsinin dayandırılmasını ədalətsiz hesab etmişdir. Əmək və Sosial Müdafiə Nazirliyində isə şikayətini yenidən geri qaytararaq izah etdilər ki, mənim həqiqətən əmək qabiliyyəti var, çünki xəstəlik ağır formada deyil, və on il öncə əlilliyim qəsdən qanunsuz olaraq təyin edilib. Belə qənaətə gəlmək olar ki, bunu idarədən sifarişli ediblər. Əmək və Sosial Müdafiə Nazirliyinə şikayətim yoxdur, əslində, onlar məsələni aydınlaşdırdılar”.
C.Həsənzadə daha sonra qeyd edir:
“Müraciətimin məğzi odur ki, ya pensiya məsələsi düzəlsin, ya iş stajı nəzərə alınaraq xidmətə qayıdaraq davam etdirməyə imkan yaradılsın. Lakin müraciətlərə heç kim baxmır. Bu barədə idarədə dəfələrlə müraciətlərim də olub”.
Qeyd edək ki, C.Həsənzadənin atası Ulu Öndər Heydər Əliyevin yaxın silahdaşı olaraq, Yeni Azərbaycan Partiyasının qurucularından biri, YAP-ın Səbail Rayon şöbəsinin sədri olub. Mərhum prezident Heydər Əliyev onu YAP-ın Respublika üzrə Nəzarət Təftiş Komissiyasının üzvü təyin etmişdi. Ötən əsrin 90-cı illərində Heydər Əliyevin ölkə rəhbəri ola bilməməsi üçün xüsusi yaş senzi qoyulmuşdur, bu ədalətsiz yaş sensizinin ləğvi üçün kütləvi etiraz aksiyaları məhz C.Həsənzadənin atası tərəfindən təşkil edilirdi.
Azsiyaset.com
