Təxribata hazırlaşan separatçıların son durumu...

Erməni separatçıların Xankəndidə təxribat hazırlıqları davam edir. Bununla bağlı sosial şəbəkələrin erməni seqmentində görüntülər yayılıb.

Görünür, separatçıların təxribat hazırlıqları heç də istədikləri kimi getmir. Belə ki, separatçılar guya “birləşmək”, “birlik” kimi pafoslu çıxışlar etsələr də, Xankəndinin mərkəzində təşkil olunan toplanışa cəmi 50-60 nəfər yığa biliblər.

Halbuki, sosial şəbəkələrdə ermənilər Xankəndidə toplandıqdan sonra bağlanan Şuşa-Xankəndi yolunu açmaq iddiaları səsləndirirdilər. Erməni separatçılar bu məqsədlə minlərlə insanın toplaşacağını düşünsələr də, sonda ortaya çıxan mənzərə onları növbəti dəfə rüsvayçılıqla üzləşdirib.

Çox güman ki, separatçılar real həyatda sosial şəbəkələrdə olduğu qədər “cəsarətli” olmadıqlarını, monitor arxasında pafosla danışmaqla, azərbaycanlıların qarşısına çıxmağın bir olmadığını ildırım sürəti ilə dərk etməli olublar.