Laçın dəhlizində aksiyanın 10-cu günü - Ermənilər birgə yaşayışa dəvət olunur
21 dekabr, 2022 15:37
Qarabağın təbii resurslarının talan edilməsinə qarşı 10-cu gündür etiraz aksiyası keçirən fəallar dekabrın 20-də BMT Təhlükəsizlik Şurasının iclasında bir sıra ölkələrin səsləndirdiyi mövqe ilə əlaqədar bəyanat yayıblar.
"Ermənistan hakimiyyəti və Qarabağ separatçıları qəsdən yerli əhalini girov olaraq saxlayır və onların Azərbaycan tərəfi ilə əlaqə saxlamasına imkan vermir və bunu humanitar fəlakət kimi qələmə verməyə çalışır", deyə bəyanatda bildirilir.
Fəallar qeyd edirlər ki, "Qarabağ regionunun erməni əsilli sakinlərini birgə yaşayışa dəvət edirlər".
Bəyanatda həmçinin Ermənistan və Fransanın beynəlxalq ictimaiyyəti yanıldan, sülh əldə olunmasına şərait yaratmayan mövqeyi pislənilir.
