Abşeron Mərkəzi Xəstəxanası "Heydər Əliyev ili" çərçivəsində tədbir keçirib - FOTOLAR
Abşeron rayonunda “Heydər Əliyev ili” çərçivəsində Abşeron Rayon Mərkəzi Xəstəxanasının təşkilatçılığı ilə “Heydər Əliyev və səhiyyə” mövzusunda tədbir keçirilib. Xırdalan şəhərində Ulu Öndərin adını daşıyan Mərkəzdə baş tutan tədbirdə şəhid ailələri, Vətən Müharibəsi iştirakçıları və rayon ictimaiyyəti iştirak edib.
Tədbirdə xalqımızın Ümummilli Lideri, Müstəqil Azərbaycanın memarı, dahi şəxsiyyət Heydər Əliyevin səhiyyənin inkişafı ilə bağlı ölkədə həyata keçirilən irimiqyaslı işlər barəsində məlumat verilib. Tədbiri giriş sözü ilə Abşeron Rayon Mərkəzi Xəstəxanasına direktoru Azər İsmayılov açıb və Heydər Əliyevin səhiyəyə verdiyi töhfələrdən geniş bəhs edib. Sonra rayonun icra başçısı Abdin Fərzəliyev çıxış edərək, tədbirin mahiyyətinə uyğun faktları sadalayıb.
Sonra çıxış edən natiqlər də ölkəmizdə səhiyyəyə ayrılan diqqərdən və bu irsin Heydər Əliyevin müəyyənləşdirdiyi strategiyadan qaynaqlandığına diqqət yönəldiblər. Tədbir zamanı rəsmlərdən ibarət sərgi və qabaqçıl səhiyyə əməkdaşlarının təltif edilməsi baş tutub.
