İrəvanda "Xaçlılar" dəstəsinin üzvləri həbs olundu
09 avqust, 2023 10:41
Ötən gün İrəvanın mərkəzində Laçın yolunu güc yolu ilə açmağı tələb edən Sarqis Poqosyan və bəzi tərəfdarları İrəvan polisi tərəfindən həbs edilib.
“Sputnik Armenia” xəbər verir ki bu barədə Ermənistan Polisi məlumat yayıb.
Xatırladaq ki, dünən S. Poqosyanın rəhbərlik etdiyi “Xaçlılar” dəstəsinin bir sıra üzvləri İrəvanda etiraz aksiyası təşkil ediblər. Onlar Paşinyan hökumətinə yolun açılması üçün saat 18:00-a kimi vaxt verdiklərini bildirmişdilər.
Həmçinin portal yazır ki, Qarabağ müharibəsində iştirak etmiş keçmiş hərbçilər ötən gün etiraz aksiyasından sonra “Yerablur” hərbi panteonuna gediblər.
Etirazçıların bu gün Azərbaycanla sərhəddə yerləşən Kornidzor qəsəbəsinə gələcəyi qeyd olunur.
