Bu ölkədə Quranı yenə də yandırdılar - Müdaxilə etmək istəyənlər həbs olundu

İsveçin Malmö şəhərində miqrant Salvan Momika müsəlmanların müqəddəs kitabı Qurani-Kərimi yandırıb.

SVT telekanalı xəbər verir ki, polis müdaxilə etməyə cəhd edən bir neçə nəfəri saxlayıb.

“Bazar günü Salvan Momikanın nümayişi zamanı Quranı yandırarkən bir kişi müdaxilə etməyə çalışsa da, polis buna mane olub. “Bir neçə nəfər saxlanılıb”, – nəşr yazır.

Telekanalın məlumatına görə, hadisə yerinə 200-ə yaxın insan toplaşıb və atmosfer “gərgin” olub.

Qeyd olunur ki, izdiham Salvan Momikaya yaxınlaşmaq üçün bir neçə dəfə cəhd edib və nəticədə nümayiş planlaşdırılan vaxtdan tez başa çatıb. Salvan Momikanı polisin müşayiəti ilə aparıblar.