Seneqalda Azərbaycan küçəsini dağıtdılar

Seneqalın paytaxtı Dakarda salınmış Bakı-Dakar xiyabanı dağıdılıb.

Ərazidə quraşdırılmış fantan və heykəl yararsız hala salınıb, divarlar zədələnib, ərazi zibilliyə çevrilib.

Həmin ərazini təmir etdirən, ümumimilli lider Heydər Əliyevin büstünü qoyduran azərbaycanlı iş adamı, Dünya Azərbaycanlılarının Beynəlxalq Fondunun İdarə Heyətinin üzvü Nihat Məhərrəmzadə Bakupost.az -a faktı təsdiqlyib.

N.Məmmədzadə bildirib ki, məsələdən xəbərdar olan kimi, əraziyə baş çəkib və gördüyü mənzərədən dəhşətə gəlib.

Onun sözlərinə görə, xiyaban əvvəllər də yaxşı vəziyyətdə olmayıb və o, öz təşəbbüsü ilə ötən il oranı təmir etdirib, Heydər Əliyevin büstünü qoydurub, fontan tikdirib və ərazidə səliqə-səhman yaradıb.

Qeyd edək ki, həmin park 1970-ci ildə Seneqal hələ keçmiş SSRİ-nin təsir dairəsində olarkən salınıb. Bu tarixdən 3 il əvvəl isə Bakı ilə Seneqal şəhərləri qardaşlaşıb. Elə həmin il Bakıda qardaşlığın simvolu olan “Dakar meydanı” salınıb. İndi həmin ərazi “Neftçilər dairəsi” də adlanır. Bizdə bu ərazi qorunub saxlanılsa da, Dakardakı Bakının adı ilə bağlı olan məkan isə təhqiramiz formada dağıdılıb.