Gürcü nazir Ermənistana göndərilən silahlardan danışdı
15 noyabr, 2023 12:36
İstənilən ölkənin müdafiə qüvvəsinə malik olmaq və beynəlxalq müqavilələrlə icazə verilən adi texnika və ya silahlara gəldikdə, istənilən ölkənin onları əldə etmək hüququ var.
Bunu Gürcüstanın xarici işlər naziri İlya Daçiaşvili Fransanın zirehli texnikasının Gürcüstan ərazisi vasitəsilə Ermənistana tədarükü ilə bağlı sualı cavablandırarkən deyib.
“Gürcüstanın mövqeyi hər iki ölkəyə ölkəmizin malik olduğu tranzit funksiyasından bərabər şərtlərlə istifadə etmək imkanı verməkdir. Buna görə də, bu məsələ ilə bağlı cavabımız budur və bu məsələ ilə bağlı lazımsız eyhamlar yersizdir”, - deyə Darçiaşvili Gürcüstanın "Birinci Kanal"ında vurğulayıb.
