Azərbaycanda sığorta yığımlarının 90%-i 5 şirkətin payına düşüb - SİYAHI
Ötən il ərzində ölkədə fəaliyyət göstərən sığorta şirkətləri tərəfindən 1 milyard 222 milyon 537 min manat sığorta haqqı toplanıb.
Yığılan sığorta haqlarının 810 milyon 558 min manatı və yaxud 66,3%-i “Paşa Həyat Sığorta” və “Paşa Sığorta” şirkətlərinin payına düşüb.
Ən çox sığorta haqqı toplayan şirkətlərin ilk beşliyini 116,4 milyon manatlıq yığımla “Atəşgah Həyat Sığorta” və “Atəşgah Sığorta”, 89,7 milyon manatlıq yığımla “Qala Sığorta” və “Qala Həyat Sığorta”, 38,7 milyon manatlıq yığımla “Meqa Sığorta” və “Meqa Həyat Sığorta”, 34 milyon manatlıq yığımla “Xalq Sığorta” və “Xalq Həyat Sığorta” şirkətləri tamamlayır.
Rəqəmlərdən də göründüyü kimi sığorta bazarının 90%-i və yaxud 1 milyard 89,4 milyon manatı adları qeyd olunan 5 şirkətin – “Paşa”, “Qala”, “Atəşgah”, "Xalq" və “Meqa” şirkətinin əlində cəmlənib.
Ən az sığorta haqqı toplayan şirkət isə 4,9 milyon manatlıq yığımla “Bakı Sığorta” olub.
