Vaqif Axundovun qohumu dairə DSK-ya sədr gətirilir
Yaxın vaxtlarda 65 saylı Salyan-Biləsuvar-Neftçala Dairə Seçki Komissiyasının sədri Səlamət Kərimovun vəzifəsindən azad ediləcəyi bildirilir.
Pravda.az-ın xəbərinə görə, həmin vəzifənin Salyandan olan iş adamı, komissiyanın üzvü Cəbrayılov Qəhrəman Bahadir oğluna həvalə ediləcəyi gözlənilir.
Qeyd edək ki, O, Azərbaycan Respublikası Xüsusi Dövlət Mühafizə Xidmətinin keçmiş rəisi (2003–2020-ci illərdə), general-polkovnik Vaqif Axundovun qohumudur. Hazırda Q.Cəbrayılovun "Kür" oteli və şadlıq sarayına rəhbərlik etdiyi deyilir.
Q.Cəbrayılovla əlaqə saxlasaq da, zənglərə də, ünvanlanan sorğuya da cavab verməyib.
Xatırladaq ki, fevralın 7-də keçirilmiş prezident seçkiləri zamanı 65 saylı Salyan-Biləsuvar-Neftçala Seçki Dairəsinin 9 saylı seçki məntəqəsində seçicilərin iradəsinin müəyyən edilməsinə imkan verməyən pozuntular aşkarlanmışdı. Nəticədə MSK-nın qərarı ilə məntəqə buraxılıb.
