"Nasosnu" üçün 237 min manatlıq güllər alınacaq - SİYAHI
![](/images/article/14340/thumb600x0.jpg)
Sumqayıt Şəhər İcra Hakimiyyəti başçısının Zeynalabidin qəsəbəsində (Nasosnu) Nümayəndəliyi tərəfindən keçirilən tender müsabiqəsinin qalibi məlum olub.
Tender müsabiqələrinin qalibi “Eko Ferma Azərbaycan” MMC (VÖEN – 1203022601) olub.
“Eko Ferma Azərbaycan” MMC Sumqayıt İcra Hakimiyyəti başçısının Zeynalabidin qəsəbəsində Nümayəndəliyinə müxtəlif güllər, ağac və qazon satacaq qarşılığında 237 min manat alacaq.
Satın alınacaq güllər, ağac və qazon aşağıdakı kimi olacaq:
Viola (bənovşə gülü) – 15 000 ədəd
Geran (Ətirşah gülü) – 15 000 ədəd
Xrizantema (Payız gülü) – 15 000 ədəd
Begoniya (Yuxu gülü) – 15 000 ədəd
Primula gülü – 15 000 ədəd
Oleand (Söyüdgülü) – 5 000 ədəd
Portulaq (Rozmarin gülü) – 15 000 ədəd
Zinniya gülü – 15 000 ədəd
Kasmeya – 15 000 ədəd
Limon küknar – 5 000 ədəd
Zeytun ağacı – 2 500 ədəd
Qazon – 60 000 kv. metr
Qeyd edək ki, tender müsabiqəsinin qalibi olan “Eko Ferma Azərbaycan” MMC 02 fevral 2022-ci il tarixində dövlət qeydiyatına alınıb. Nizamnamə kapitalı 10 manat olan MMC-nin hüquqi ünvanı Yasamal rayonu, Qurban Xəlilov, ev 8, m. 59-da yerləşir. MMC-nin qanuni təmsilçisi Masimov Rüfət Ramazan oğludur.
Onu da bildirək ki, Masimov Rüfət Ramazan oğlu (VÖEN – 1202799512) əvvəllər fərdi sahibkar kimi Sumqayıt Şəhər İcra Hakimiyyətinin keçirdiyi çoxsaylı tender müsabiqələrinin qalibi olub.