Nazirlik 10 manat kapitalı olan şirkətlə 77 milyonluq müqavilə imzaladı - Tendersiz
16 yanvar, 2025 14:26
Elm və Təhsil Nazirliyinin Təsərrüfat Hesablı Əsaslı Tikinti və Təchizat İdarəsi “Depot” MMC (VÖEN – 2006570041) ilə satınalma müqaviləsi imzalayıb.
Müqavilə tender müsabiqəsi keçirilmədən bir mənbədən satınalma metodu əsasında imzalanıb.
Tender müsabiqəsinin şərtlərinə görə “Depot” MMC bir sıra məktəbəqədər təhsil müəssisələrində hazır yemək təminatının təşkili keyfiyyətinə nəzarət xidmətləri göstərəcək və qarşılığında 76 milyon 999 min 93 manat 94 qəpik alacaq.
Məlumat üçün bildirək ki, nazirlyin 77 milyon manatlıq müqavilə imzaladığı “Depot” MMC 2021-ci ildə dövlət qeydiyyatına alınıb. Nizamnamə kapitalı 10 manat olan MMC-nin qanuni təmilçisi Hüseynov Elvin Malik oğludur.
