Ağdamda 4 nömrəli yaşayış massivinin tikintisinə 161 milyon xərclənəcək
17 yanvar, 2025 11:36
Ağdam, Füzuli və Xocavənd rayonlarında Bərpa, Tikinti və İdarəetmə Xidməti Ağdam şəhərində 4 nömrəli yaşayış massivində çoxfunksiyalı orta mərtəbəli yaşayış binalarının tikintisi ilə bağlı 5 tender müsabiqəsi elan edib.
Tender müsabiqələrinin ümumi dəyəri 160 milyon 913 min 781 manat 44 qəpik təşkil edir.
Məlumat üçün bildirək ki, Ağdam şəhərində 4 nömrəli yaşayış massivində 10 məhəllənin inşası nəzərdə tutulur və onların tikintisinə ayrılan vəsait aşağıdakı kimidir:
1 və 2-ci məhəllələr üçün – 42 479 710,84 manat;
3 və 4-cü məhəllələr üçün – 21 863 890,11 manat;
5 və 6-cı məhəllələr üçün – 42 881 950,42 manat;
7 və 8-ci məhəllələr üçün – 29 947 783,41 manat;
9 və 10-cu məhəllələr üçün – 23 740 446,66 manat.
