Azərbaycanda qızılın qiymətində kəskin bahalanma oldu
01 aprel, 2025 11:54

Mərkəzi Bankın bu gün açıqladığı məlumata görə, qızılın bir qramının qiyməti 172 manat 40 qəpiyə bərabər olub.
Bir qram qızılın qiyməti bayram tətilindən əvvəlki son iş günündə - martın 19-da 166 manat 50 qəpik olub.
Açıqlanan məlumatlardan da göründüyü kimi, qızıl son 11 gündə 5 manat 90 qəpik və ya 3,5% bahalanıb. Ötən ilin əvvəlindən ötən dövr ərzində isə qızılın qiymətində 55 manat 10 qəpik artım olub.
Qeyd edək ki, qızılın qiyməti Azərbaycanda heç vaxt bu səviyyəyə yüksəlməyib.