Qarabağ qazisi Assosiasiya sədri seçildi - Hesabat seçki yığıncağı
2025-ci il 8 sentyabr tarixində, Azərbaycanda ov və təbiət turizmi sahəsində fəaliyyət göstərən ictimai təşkilatları və çoxsaylı üzvləri özündə birləşdirən Azərbaycan Təbiət və Ov Turizmi Assosiasiyasının növbəti hesabat seçki yığıncağı keçirilib.
Toplantı zamanı son iki il ərzində Assosiasiyanın gördüyü işlər, həyata keçirilmiş fəaliyyətlər və üzvlərin çıxışları dinlənilmiş, İctimai Birliyə yeni rəhbər heyətlə bağlı təkliflər dinlənilmişdir. Polad Tofiq oğlu Rzayev yekdilliklə Assosiasiyanın sədri vəzifəsinə seçilmişdir.
Qeyd edək ki, Polad Tofiq oğlu Rzayev Azərbaycan Xüsusi Təyinatlı Qüvvələrinin ehtiyatda olan mayoru və Qarabağ qazisidir.
Azərbaycan Təbiət və Ov Turizmi Assosiasiyası — ölkədə ovçuluq, biomüxtəliflik, təbiət və ekoturizm sahəsində ixtisaslaşmış, aidiyyəti dövlət qurumları ilə aktiv əməkdaşlıq edən ölkənin aparıcı ictimai təşkilatlardan biridir. Yeni rəhbərlik Assosiasiyanın fəaliyyətini daha da genişləndirmək, yeni layihələrə imza atmaq və ölkədə təbiət turizmi sahəsinin inkişafına töhfə verməyi hədəfləyir.
Toplantı çərçivəsində həmçinin təşkilatın sədr müavini və icraçı direktor postlarına da seçkilər keçirilərək, Birliyin rəhbər heyəti tam şəkildə formalaşdırılmışdır.
O, "Azerbaycan bayrağı" ordeni, “Şücaətə görə” və rayonların işğaldan azad olunması medalları ilə təltif olunmuşdur.
