Ətin keyfiyyəti və təhlükəsizliyi ilə bağlı müzakirələrə aydınlıq gətirildi - VİDEO
Son illər ət məhsullarının keyfiyyəti və mənşəyi ilə bağlı narahatlıqlar artıb. Xüsusilə də bazarlardavə qəssabxanalarda satılan ətlərin haradan gətirildiyi, necə kəsildiyi, gigiyenik şəraitin qorunub-qorunmaması barədə cəmiyyətdə ciddi suallar yaranır. Əhali arasında ətlərin sağlamlıq üçün təhlükə yarada biləcəyi ilə bağlı inamsızlıq formalaşıb. Bu vəziyyətdə insanlar üçün ən vacib məsələ - təhlükəsiz, halal və yoxlanılmış ət almaqdır. Halbuki, bu gün artıq müasir tələblərə cavab verən, təhlükəsiz və halal ət almaq mümkündür. Məhz “Araz” supermarketlər şəbəkəsi bu sahədə nümunəvi yanaşma sərgiləyir.
“Araz” supermarketlər şəbəkəsinin ət kəsim məntəqəsində olduq ki, prosesi yaxından izləyək. Məqsədimiz “Araz” marketlərində satılan ətlərin haradan və necə gətirildiyini, hansı mərhələlərdən keçdiyini yerindəcə görmək idi. Öncə kəsim məntəqəsinə yollandıq və bütün prosesi addım-addım izlədik.
“Araz” supermarketlər şəbəkəsində satılan ətlər Bərdə, Beyləqan, Ağcabədi və İmişli rayonlarından gətirilən sağlam heyvanlara məxsusdur. Peşəkar qəssablar tərəfindən seçilən heyvanlar baytar nəzarətindən keçirilir, sağlamlıq kağızı ilə birlikdə xüsusi qeydiyyatdan keçmiş kəsim məntəqəsinə göndərilir. Burada heyvanlar tam gigiyenik şəraitdə, islami qaydalara uyğun olaraq kəsilir. Kəsim prosesi Azərbaycan Respublikasının Qida Təhlükəsizliyi Agentliyinin mütəxəssislərinin iştirakı ilə həyata keçirilir.
Ətlərin keyfiyyəti və təhlükəsizliyini yoxlamaq məqsədilə nümunələr götürülür və laboratoriya şəraitində analizlərə cəlb edilir. Yalnız sağlam, keyfiyyətli və təhlükəsizlik göstəriciləri uyğun olan ətlər soyuducularda dinləndirildikdən sonra soyuq zəncir qorunmaqla marketlərə göndərilir və müştərilərə təqdim edilir.
Kəsim məntəqəsində bütün mərhələlər tamamlandıqdan sonra ətlər gündəlik xüsusi dezinfeksiya olunmuş maşınlarla Məhəmmədi qəsəbəsində yerləşən saxlanma məntəqəsinə göndərilir.
Burada ətlər xüsusi soyuducu şəraitdə qorunur, qablaşdırılır və satış üçün hazırlanır. Daha sonra “soyuq zəncir” pozulmadan “Araz” supermarketlər şəbəkəsinin ət bölmələrinə çatdırılır.
“Araz” marketlər şəbəkəsinin əsas məqsədi müştəriləri hər zaman yüksək keyfiyyətli, halallıqla kəsilmiş və qida təhlükəsizliyi tələblərinə cavab verən ət və ət məhsulları ilə təmin etməkdir. Buna görə də insanlar heç bir tərəddüd etmədən “Araz” marketlərindən aldıqları ətlərin sağlam, təmiz və halal olduğuna əmin ola bilərlər.
Post TV
