Azərbaycan Ordusunun məhv etdiyi düşmən texnikalarının nömrələrindən ibarət lövhə hazırlanıb - MÜQAYİSƏLİ FOTOLAR

Azərbaycan Ordusunun Vətən müharibəsində məhv etdiyi düşmənə məxsus avtomobil və texnikaların nömrə nişanlarından ibarət nəhəng lövhə hazırlanıb.

Azsiyasət.com xəbər verir ki, lövhə Azərbaycan Silahlı Qüvvələrinə məxsus hərbi texnikanın üzərində yerləşdirilib.

Lövhədə böyük hərflərlə “Qarabağ Azərbaycandır!” şüarı əks olunub.

Lövhə bu gün Azadlıq meydanında Vətən müharibəsində qələbəyə həsr olunan hərbi paradda nümayiş etdiriləcək.

Qeyd edək ki, Ermənilər Birinci Qarabağ müharibəsində ələ keçirdikləri mülki avtomobillərin nömrələrini divara həkk etmişdilər və onu Qarabağa gedən turistlərə nümayiş etdirirdilər.

Ermənilərin divara həkk etdiyi nömrələr... 

Azərbaycan Ordusunun İkinci Qarabağ müharibəsində məhv etdiyi erməni hərbi avtomobil və texnikalarının nömrə nişanlarından ibarət nəhəng lövhə...