“Dizimdən yaralandım, snayper gülləsi qolumu qopardı, susuzluqdan öz qanımı içirdim...” - Əsgər Hüseynov
Adı da özü kimi Əsgər - Hüseynov Əsgər Ağarəhim oğlu, 1993-cü ildə Lerik rayonunda anadan olub. Müddətdən artıq xidmət edən hərbi qulluqçu, ordu birləşməsinin nəzdində yaradılan xüsusi təyinatlı həmlə taborunun döyüşçüsü.
Qulluq etdiyi briqadanın tərkibində 44 günlük Vətən müharibəsinə qatılıb, Füzuli istiqamətində döyüşə girib. Hadrut istiqamətində irəliləyib və bu qəsəbənin azad olunmasından sonra Şuşa istiqamətində irəliləməyə başlayıb. Ağır döyüşlərdən birində düşmən pusqusuna düşüblər və yaxın döyüşdə üç yerindən yaralanıb.
Düşmən snayperinin gülləsi onun qolunu parçalayıb, qolu sümük parçasından asılı qalıb. Döyüş yoldaşlarından bir neçəsi şəhid olub, düşmən əsgərləri döyüş bitəndən sonra ağır yaralı Əsgəri və şəhid olmuş yoldaşlarını soyublar. Silah-sursatlarını götürüblər. Amma ya içkili olduqlarından, ya Əsgəri ölmüş bildiklərindən onu güllələməyiblər.
Çoxlu qan itirən, susuzluqdan öz qanını içməyə məcbur olan döyüşçü bir neçə saat sonra ağır yaralı halda döyüş meydanından çıxa bilib. Onun döyüş hekayətini öz dilindən dinləyək:
