"Evrostroy-S.S MMC (Sipark)" şirkəti vətəndaşların ölümünə səbəb olub - 3 il davam edən tikinti, evsiz vətəndaşlar...

06 yanvar, 2021 12:00

Nərimanov rayon sakinləri "Evrostroy-S.S MMC (Sipark)" şirkətindən şikayətçidirlər. Sakinlərin şikayət məktubu sosial şəbəkələrdə yayılıb.

Azsiyasət.com vətəndaşların həmin şikayət məktubunu olduğu təqdim edir:

"Biz 2017-ci ilin oktyabr ayından yaşadığımız ərazidən (Nərimanov rayonu Firdovsi Məmmədov, Təbriz və Kazım Kazımzadə küçələrinin kəsişməsi) "Evrostroy-S.S MMC (Sipark)" şirkəti tərəfindən pilot layihə olaraq müqavilə əsasında 20 aylığına kirayələrə köçürüldük. Lakin şirkət 20 ay müddətin də tikintini özlərinə məlum olan səbəblərdən yekunlaşdıra bilmədilər və yeni müqavilə imzalatdırdılar. Bundan başqa kirayə pullarının verilməsində ciddi problemlər yaşayırıq. Həmin ərazinin yaxınlığında yerləşən digər pilot layihələrdə tikinti tam sürətlə davam edir və çox güman ki, bu ilin sonunda onlardan bir neçəsi artıq sakinlərə təhvil veriləcək. Qonşularımızdan bir neçə nəfər bu problemlərin mənəvi və psixoloji sarsıntılarına tab gətirməyərək vəfat etdilər. Artıq oktyabr ayında 3 il tamam oldu ki, biz öz evlərimizə köçürülməmişik.

Dəfələrlə müvafiq qayda da Nərimanov Rayonu İcra Hakimiyyətinə etdiyimiz şikayətlər, müraciətlər və etirazlar cavabsız qalıb. Nərimanov Rayonu İcra Hakimiyyəti və şəxsən başçı Abidin Fərzəliyev bizim binamızın tikilib zamanın da təhvil verilməməsində bir başa məsuliyyət daşıyır.

Hörmətlə, sakinlər:

1.Mircəfərova Həcər Seyidhüseyn qızı

2.Həsənova Nuriyyə Rəhim qızı

3.Şirinov Nüsrət Şirin oğlu

4.Şirinov Şirin Nüsrət oğlu

5.Şirinova Rəna Nüsrət qızı

6.Şirinova Qızılgül İsa qızı

7.Ağayeva Ruhəngiz Ələkbər qızı

8.Cəfərova Lamiyə Telman qızı

9.Həsənova Günay Bəyzadə qızı

10.Əliyeva İlhamə Eyvaz qızı

11.Yaqubova Xuraman Saday qızı