Həbs edilən "Azərxalça" sədrinin milyonluq villası - FOTOLAR

Dünən həbs edilən, bu gün isə dövlət başçısının müvafiq sərəncamı ilə işdən azad edilən “Azərxalça” ASC-nin sədri Vidadi Muradovun hələ avqust ayında villalarından birinin fotoları yayılmışdı.

Jurnalist Samir Feyruzovun ictimailəşdirdiyi həmin fotolarda V.Muradovun Bakının Nərimanov rayonu Həsən Əliyev küçəsi 517-523 ünvanında yerləşən villasından bəhs olunurdu. Villa “Bakı Klinikası”in arxasında yerləşir. Bu, V.Muradovun mənzillərindən, villalarından yalnız biridir. Əslində şəhərin ən prestijli yerlərindən sayılan bu ərazidə Muradovun villaya sahiblənməsi elə onun korrupsioner əməllərindən xəbər verirdi. 
Jurnalist Samir Feyruzov onu da qeyd edirdi ki, "Azərxalça"nın əməkdaşları aylardır maaş üzünə həsrət qalıblar, V.Muradov isə hər gün bir şəhərdə özünə biznes obyektləri qurur, villalar tikir. 

Azsiyasət.com-un araşdırması nəticəsində məlum oldu ki, "Azərxalça"da vəziyyət hələ də dəyişməyib, aylarla maaşını ala bilməyən əməkdaşlar var. 

Artıq V.Muradov həbs edildi və onun bu qədər sərvətə necə sahiblənməsi bir daha öz təsdiqini tapmış oldu. Onu da qeyd edək ki, V.Muradovun oğlu Cavid Muradov isə Səbail Rayon Polis İdarəsinin rəisidir.