Məktəblər açılır, metronun fəaliyyəti bərpa oluna bilərmi? - AÇIQLAMA
Orta məktəblərin və digər sahələrin mərhələli şəkildə açılması Bakıda nəqliyyatın yükünü xeyli artırmış olacaq.
Azsiyasət.com xəbər verir ki, bunu trend-ə nəqliyyat məsələləri üzrə ekspert, hüquqşünas Ərşad Hüseynov deyib.
Ə.Hüseynov bildirib ki, qarşıda gələn həftələr ərzində Azərbaycanda xüsusi karantin rejiminin yumşalmaları həyata keçiriləcək: “Kifayət qədər yumşalmalar həyata keçiriləcək və ümid edirik ki, bu, virusun artmasına səbəb olmayacaq.
Bu yumşalmalar o deməkdir ki, sosial aktivlik artacaq, hərəkətlilik, mobillik artacaq. Belə olan halda Bakıda avtobuslar bunun öhdəsindən gəlməkdə çətinlik çəkəcək. Buna görə də metronun da açılması zərurəti yaranır. Ona görə də, əgər yumşalmalar həyata keçirilirsə, növbəti yumşalmaların birini də metropolitenin işinin bərpa olunması məqsədəuyğun olar. Hər halda buna zərurət yaranıb”.
Qeyd edək ki, Nazirlər Kabinetinin karantin rejiminin yumşaldılması il bağlı qərarında bildirilirb ki, hazırda metronun qapalı qalması ilə bağlı qərar qüvvədədir.
