Hikmət Hacıyev Azərbaycandakı bütün diplomatik korpusu Cəbrayıl və Zəngilana topladı - FOTOLAR

Azərbaycandakı xarici diplomatlar Cəbrayıl və Zəngilana gediblər.

Azsiyasət.com saytının səfərdə iştirak edən əməkdaşlarının verdiyi məlumata görə, Prezidentin köməkçisi Hikmət Hacıyev, Birinci vitse-prezidentinin köməkçisi Elçin Əmirbəyovun diplomatik nümayəndəliklər və beynəlxalq təşkilat rəhbərləri ilə birlikdə Cəbrayıl və Zəngilan rayonlarına səfəri başlayıb.

Səfərin ilk dayanacağı Cəbrayıl rayonunun Cocuq Mərcanlı kəndi olub.

Səfirlər, hərbi attaşelər və beynəlxalq təşkilatların rəhbərləri son illərdə münaqişə xəttinə yaxın ərazidə yenidənqurulan və abadlaşdırılan kəndlə tanış olublar.

Prezidentin köməkçisi Hikmət Hacıyev Cocuq Mərcanlı kəndində səfirlərin önündə çıxış edib.

Qeyd edək ki, səfər Prezident İlham Əliyev və Xarici İşlər Nazirliyinin birgə göstərişi ilə həyata keçirilir.