Azərbaycan ordusunun polkovnik-leytenantı Suqovuşanda minaya düşdü
09 fevral, 2021 13:25
İşğaldan azad edilmiş Azərbaycan ərazilərində daha bir mina partlayışı baş verib.
Azsiyasət.com xəbər verir ki, Suqovuşanda düşmən tərəfindən basdırılmış minanın partlaması nəticəsində Azərbaycan ordusunun polkovnik-leytenantı Kamil Duniyev ağır yaralanıb. O, hərbi hospitala təxliyyə olunub. Müdafiə Nazirliyindən faktı təsdiqləyiblər.
Qeyd edək ki, işğaldan azad edilmiş ərazilərdə noyabrın 10-da hərbi əməliyyatların dayandırılmasından bu yana tez-tez mina partlayışları baş verir, hərbçilər və mülki şəxslər həlak olur. Bundan əvvəl Cəbrayılın Nüzgar kəndində icazəsiz olaraq həmin ərazilərə daxil olmuş üç mülki sakinin getdiyi avtomobil minaya düşüb, həmin şəxslər həlak olublar.
