İtkin düşən daha bir hərbçimizin şəhid xəbəri gəldi - FOTO
15 fevral, 2021 23:37
Vətən müharibəsində itkin düşən kiçik çavuş Quliyev Əkbər Güləhməd oğlunun şəhid olduğu müəyyənləşib. Azsiyasət.com xəbər verir ki, bu barədə qafqazinfo.az-a şəhidimizin yaxınları məlumat verib.
Hərbçimizin şəhid olduğu DNT analizi nəticəsində təsdiqlənib. Şəhidimizin sabah Neftçalanın Xıllı qəsəbəsində cənazə namazı qılınacaq. Daha sonra Quliyev Əkbərin nəşi Bakıda II Fəxri Xiyabanda torpağa tapşırılması üçün paytaxta gətiriləcək.
Qeyd edək ki, 2000-ci il təvəllüdlü Əkbər Quliyev hərbi xidməti Tərtərdə başa vurub. O, müharibədən öncə təlimlərə cəlb edilmiş, daha sonra isə döyüşlərə qatılmışdı.
