Azərbaycanlı alim çağırış etdi: Bu cür laqeyd münasibət ciddi narahatlıq doğurur...
"Özünü dövlətə yaxın olan, xalqa canı yanan, bundan başqa həm hökumət nümayəndələrinə, həm də xalqa özünü ağıllı kimi göstərən yoldaşların və tibb sahəsində digər cavabdeh şəxslərin açıqlamalarını görmədim. Buna təəssüf edirəm. Normal səhiyyə sistemində bu cür laqeyd münasibət ciddi narahatlıq doğurur və bir daha inkişaf potensiallarını göstərir".
Azsiyasət.com xəbər verir ki, bu barədə Köln Universiteti Klinikasının tibb elmləri doktoru, azərbaycanlı alim Nuran Abdullayev bildirib.
O qeyd edib ki, COVID-19 və AstraZeneca peyvəndi barədə ictimaiyyətə dəqiq açıqlamalar verənlərin real biliyi, potensialı üzə çıxacaq:
"Bu açıqlamalarla kimin səhv və ya düzgün addım atdığını öyrənmək fikrim yoxdur. Çünki düzgünləri də, yalnışları da özüm bilirəm və elmi açıqlamasını da verəcəm. Sadəcə, dünən qeyd etdiyim kimi mənə vacib olan onların elmi izahatı idi ki, bununla da kimin qabında nə olduğunu hər kəs - bütün ictimaiyyət görəcəkdi. Çünki bu sualın cavabı dərin elmi biliklə yanaşı, müasir elmlə irəliləmə, onu incələmə və yüksək analiz qabiliyyəti tələb edir. Hansı ki, bu pandemiya dönəmində dövlətimizə də, xalqımıza da o cür insanlar vacibdir.
Elə bir daha jurnalistlərə çağırış edirəm ki, bu günə qədər virusla əlaqədər üzdə olan hər kəsdən soruşsunlar, görək kim doğrudan da dövlətimizə və xalqımıza vacib olan o savadın yiyəsidir və bizlər də o adamın qədrini sözün əsl mənasında bilək.
Mənim açıqlamama gəlincə isə mən bir gün daha gözləyəcəm, görək bu çağırışdan sonra kim fikir bildirəcək. Sonra da elmi əsaslı doğruları söyləyərəm".
