"Olympus" tikinti şirkəti məşhur idman klubunu yerlə-yeksan etdi - FOTOLAR
"Olympus" tikinti şirkəti paytaxtın ən məşhur idman klublarından biri olan "Lider İdman Klubun"nun yerləşdiyi binanı gecə ilə dağıdıb.
Azsiyasət.com-a daxil olan məlumata görə, "Lider İdman Klubu" sahibindən xəbərsiz, gecə saatlarından yerlə-yeksan edilib və bu barədə klubun sahibinə də heç bir məlumat verilməyib. Bildirilir ki, "Olympus" tikinti şirkəti gecə ilə söküntü işləri ilə məşğul olan briqdasını Xətayi rayonu ərazisinə (Cavanşir küçəsi 36) töküb və məşhur klub bir neçə dəqiqənin içərisində yerlə bir edilib.
"Lider İdman Klubunu"nun ölkə və dünya səviyyəsində ciddi nəticələr əldə etmiş idmançılar yetişdirdiyi hər kəsə məlumdur.
Qeyd edək ki, bu hadisə "Olyumpus" tikinti şirkətinin ilk qanunsuz addımı deyil, şirkət bundan əvvəl də minlərlə insanın etirazına səbəb olan qanunsuz addımlar atıb.
Məsələni diqqətdə saxlayacağıq...