Səfər Mehdiyev İnam Kərimovu cərimələdi - MARAQLI SƏBƏBLƏR..

Dövlət Gömrük Komitəsi Kənd Təsərrüfatı Nazirliyi yanında Aqrar Xidmətlər Agentliyini cərimələyib.

Azsiyasət.com report.az-a istinadən xəbər verir ki, Nərimanov Rayon Məhkəməsi Bakı Baş Gömrük İdarəsinin tərtib etdiyi protokola əsasən, Aqrar Xidmətlər Agentliyini 1500 manat cərimə edib.
Qurum İnzibati Xətalar Məcəlləsinin 485.2-ci (Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə) maddəsi ilə təqsirli bilinib.

Kənd Təsərrüfatı Nazirliyi Yanında Aqrar Xidmətlər Agentliyi qərardan apellyasiya şikayəti verib. Bakı Apellyasiya Məhkəməsində hakim Əli Seyfəliyevin sədrlik etdiyi prosesdə şikayətin təmin edilməməsi barədə qərar çıxarılıb.

Əslində isə nə baş verir? 

Azsiyasət.com-a daxil olan məlumata görə, Gömrük Komitəsi sədrinin nazir İ.Kərimovun qurumunu cərimələməsi tamamilə siyasi məsələdir. Belə ki, S.Mehdiyev bir neçə məmurun "yeraz" klanına qarşı savaşında özünü güclü göstərmək üçün (həm də özünün "Naxçıvan" klanının üzvü olmadığını sübut etmək üçün) belə bir addım atıb.