Azərbaycandan 100 min istifadəçinin "Facebook"dakı şəxsi məlumatları yayıldı - FOTO

Facebook” sosial şəbəkəsinin 533 milyondan çox istifadəçisinin şəxsi məlumatları haker forumunda yerləşdirilib.

Azsiyasət.com xəbər verir ki, bu barədə “Business Insider” nəşri bildirib.

Qeyd olunub ki, forumda ABŞ-dan 32 milyon, Böyük Britaniyadan 11 milyon və Hindistandan 6 milyon daxil olmaqla ümumilikdə 106 ölkədən olan istifadəçilərin tam adları, yeri, doğum tarixi, tərcümeyi-halları, mobil nömrələri və bəzi hallarda e-poçt ünvanları forumda yayılıb.

Hudson Rock şirkətinin texniki direktoru Alon Gal tərəfindən “Tvitter” səhifəsində dərc edilən ekran görüntülərindən məlum olur ki, bazada Azərbaycandan təxminən 100 min istifadəçinin məlumatları da yer alıb.

Mütəxəssislər xəbərdarlıq edirlər ki, bu cür məlumatlar kiber cinayətkarlar üçün dəyərli ola bilər.