Prezidentin yüksək vəzifəyə təyin etdiyi şəxs kimdir? - BİOQRAFİYA
Xəbər verdiyimiz kimi, Prezident İlham Əliyevin Sərəncamı ilə, Zaur Rauf oğlu Mikayılov Azərbaycan Meliorasiya və Su Təsərrüfatı Açıq Səhmdar Cəmiyyətinin sədri təyin edilib.
Azsiyasət.com unikal.org-a istinadən xəbər verir ki, BRAVO supermarketlərinin sahibi kimi “Azərbaycan Supermarket” MMC göstərilir. Bu şirkət 2015-ci ilin fevral ayının 27-də dövlət qeydiyyatına alınıb. Bakı şəhəri Nəsimi rayonu, Neftçilər prospekti ev 153 ünvanında qeydiyyatda olan və nizamnamə kapitalı 2 min manat təşkil edən “Azərbaycan Supermarket” MMC-nin qanuni təmsilçisi Mikayılov Zaur Rauf oğludur.
“Azərbaycan Supermarket” MMC-nin təsisçiləri barədə rəsmi məlumat açıqlanmasa da, bu şirkətin qeydiyyatda olduğu Bakı şəhəri Nəsimi rayonu, Neftçilər prospekti ev 153 ünvanında “Paşa İnşaat”, “Paşa Technology”, “Paşa Sığorta” kimi şirkətlərin də olduğu qeyd olunub.
