AXCP üzvü azadlığa çıxdı
18 avqust, 2020 10:06
Fətullah Gülən camaatının üzvü olmaqda təqsirləndirilən AXCP üzvü azadlığa çıxıb. Bu barədə onun atası məlumat verib.
4 il azadlıqdan məhrumetmə cəzası alan Azərbaycan Xalq Cəbhəsi Partiyasının (AXCP) üzvü Fuad Əhmədlinin cəzası başa çatdığı üçün bu gün azadlığa buraxılıb.
Qeyd edək ki, Fuad Əhmədli 2016-cı il avqustun 18-də saxlanılıb.
Dövlət Təhlükəsizlik Xidməti və Baş Prokurorluq tərəfindən yayılan rəsmi məlumatda bildirilir ki, F.Əhmədli “Azərfon” MMC-də çalışdığı müddətdə abonentlərin şəxsi məlumatlarını üçüncü şəxsə ötürüb.
O, Cinayət Məcəlləsinin 302 (əməliyyat-axtarış fəaliyyəti üzrə qanunvericiliyi pozma) və 308-ci (vəzifə səlahiyyətlərindən sui-istifadə) maddələri ilə təqsirli bilinib.
