Məhkəmə önündə gərginlik: bir nəfər saxlanıldı - FOTO
Xəbər verdiyimiz kimi Dövlət Təhlükəsizlik Xidmətinin saxladığı Azərbaycan İslam Partiyasının sədr əvəzi, ilahiyyatçı Hacı İlham Əliyev və Mehman Rzayevə hökm oxunub.Vətənə xəyanətdə ittiham olunan İlham Əliyev 16 il, Mehman Rzayev isə 14 il müddətinə azadlıqdan məhrum edilib.
Azsiyasət.com musavat.com-a istinadla xəbər verir ki, proses başa çatdıqdan sonra Bakı Ağır Cinayətlər Məhkəməsi qarşısında gərginlik yaşanıb. Prosesə gələn, lakin məhkəmə zalına buraxılmayan bir nəfər saxlanılıb.
Buna səbəb həmin şəxsin tibbi maska taxmaması olub. Polis əməkdaşı ona maska taxması üçün xəbərdarlıq edib. Təxminən 30 yaşlarında olan həmin şəxs polis əməkdaşlarından birini yanına çağıraraq onunla danışmağa, daha sonra isə mübahisə etməyə başlayıb. Bundan sonra həmin şəxs Post Patrul Xidməti avtomobilinə aparılıb.
Məhkəməyə gələn digər şəxslər polis əməkdaşlarından saxlanılan şəxsi buraxmalarını xahiş edib. Lakin həmin şəxs Polis Şöbəsinə aparılıb.
