Şuşaya raket atılması Lavrovla niyə müzakirə olunmadı?

“Rəsmi Bakı Ermənistanın “İskəndər” raket kompleksi ilə təmin olunmadığına əmin olub”.

Azsiyasət.com “Kommersants”a istinadla xəbər verir ki, bunu Rusiya nəşrinə dövlət strukturlarındakı bir mənbə bildirib.

Qəzetin məlumatına görə, Sergey Lavrovun Azərbaycana səfəri zamanı Rusiyanın xarici işlər naziri və Azərbaycan Prezidenti İlham Əliyev bu həssas mövzunu da müzakirə etməli idilər.

“Kommersant”ın Rusiya dövlət strukturlarında Azərbaycan istiqaməti ilə məşğul olan həmsöhbəti bildirib ki, Moskva Ermənistanı “İskəndər” komplekslərinin qeyri-ixrac versiyası ilə təmin etməyib. Onun sözlərinə görə, bu məlumat Azərbaycan tərəfinə çatdırılıb.

Bundan əlavə, mənbənin sözlərinə görə, Rusiya Azərbaycanla münaqişədə Ermənistanın heç bir halda “İskəndər”dən istifadə etməməsinə israrlı olub. Bu tələbi prezident Vladimir Putin şəxsən Nikol Paşinyana çatdırıb. Beləliklə, əgər, həqiqətən, kompleksin buraxılışı olubsa, hadisə İrəvanın Moskva qarşısında öhdəliklərini pozmasıdır.

“Kommersant”ın məlumatına görə, “İskəndər”in istifadəsinin gizlətmək üçün eyni vaxtda digər raket sistemlərindən buraxılış ola bilərdi.

Bu və ya digər halda, Rusiya və Ermənistan hərbçilərinin də iştirak etdiyi təhqiqat prosesi davam edir.

“Kommersant”ın məlumatına görə, Sergey Lavrovun Bakıya səfərindən bir müddət əvvəl Rusiya müdafiə naziri Sergey Şoyqu Azərbaycan tərəfinə bu mövzuda ilkin izahatlar və Rusiya tərəfinin bütün şərtləri aydınlaşdırdığına dair bir əminlik məktubu göndərib.

“Bəlkə də Sergey Lavrovun verdiyi izahatlar da daxil olmaqla, o, Azərbaycan tərəfini qane edib”, – deyə nəşr vurğulayıb.