"Məmurların sayını azaltmaq və rayonları birləşdirmək lazımdır" - Deputat
Qarabağ müharibəsində parlaq qələbədən sonra bir sıra zəruri infrastruktur layihələri ilə bağlı addımlar atılır.
Azsiyasət.com xəbər verir ki, bunu Milli Məclisin bugünkü iclasında parlamentin Mədəniyyət komitəsinin sədr müavini Fazil Mustafa deyib.
Deputatın sözlərinə görə, əsas məsələ infrastrukturun dəyişdirilməsi ilə bağlı addımlar atmaqdır: "Biz buna indi başlamalıyıq. Bir sıra rayonları birləşdirməliyik. Qarabağla bərabər, başqa rayonlar da buna getməlidir. İlk növbədə, Bakıdan başlamaq lazımdır. Məmurların sayı azaldılmalıdır. Rayonlarda bələdiyyələrin səlahiyyətləri genişləndirilməlidir".
Bundan başqa, deputat türk əsgərlərinin Şamaxıya gedən yoldakı xatirə memorialı ilə bağlı bir məqama da diqqət çəkib: "Yolun təmirindən sonra orada maşın saxlamaq üçün yer qalmayıb. Bu məsələni həll etmək lazımdır".
