"İranda erməni əsirləri saxlanılır" - Erməni deputat
“İranda müharibə zamanı sərhədi keçən erməni hərbçilər varmı?”
Azsiyasət.com xəbər verir ki, bunu öz “Facebook” səhifəsində erməni deputatı Naira Zohrabyan yazıb.
O qeyd edib:
“İranda sərhədi keçən erməni əsgərləri varmı? Erməni mətbuatı bu gün elan etməsəydi, bu problemə toxunmazdım. Uzun müddətdir itkin düşənlərin bir çox valideyni mənə etibarlı məlumatlar, hətta müharibə zamanı oğlanlarının “Artsax”ın cənub hissəsindən - Cəbrayıldan İranla dövlət sərhədi keçmələri və əsir düşmələri barədə məlumat verirlər. Üstəlik, valideynlərdən birinə İranın Amandi kəndindəli hərbi hissədə erməni əsgərlərinin saxlandığı açıq şəkildə bildirib.
Uzun müddətdir ki, bu problemlə məşğul olur və bu məsələni neçə dəfə Ermənistanın İrandakı səfiri Artaşes Tumanyanla müzakirə etmişəm. Üstəlik, bir neçə valideyn hətta Təbrizə gedib çatıb və erməni yepiskopu ilə görüşüb, amma onlara bu cür bir şey olmadığı deyilib.
Rəsmi olaraq İranın xarici işlər nazirinə müraciət etdim, mənə məktubun çatdığını və bir müddətdən sonra cavab veriləcəyini dedilər. Cavab hələ də yoxdur. Rusiyadakı həmkarlarım vasitəsi ilə bir neçə İran generalı ilə əlaqə qurduq, onlar da məlumatı nə təkzib etmədi, nə də təsdiqlədilər və dəqiq cavab vermək üçün vaxt istədilər.
Yenə deyirəm, mətbuat bu məsələni hələ ictimailəşdirməsəydi, bu anda bu problemi səsləndirməzdim. Təbii ki, Ermənistan Müdafiə Nazirliyinin bu mövzuda heç bir şərh vermədiklərinə dair cavabından şok keçirdim.
Bəs hansı mövzuya şərh verilir?
Yoxsa istənilən mövzuya şərhiniz yoxdur? Bəlkə, ümumiyyətlə, heç bir mövzu yoxdur? Hər gün yüzlərlə valideyn ən azı bir xəbər almaq ümidi ilə yaşayır, amma məlum olur ki, heç bir şərh yoxdur".
