Özünə dəbdəbəli ad günü keçirən müğənni cəzalandırıldı - FOTOLAR
22 avqust, 2020 15:36
Müğənni Nüşabə Musayeva ötən gün xüsusi karantin rejiminin tələblərini pozaraq Sumqayıt şəhərində yerləşən "Amor" şadlıq sarayında özünə dəbdəbəli ad günü mərasimi təşkil etmişdi.
Azsiyasət.com xəbər verir ki, N.Musayevanın ad günündən görüntülər sosial şəbəkələrdə sürətli yayılmağa başladı.
Daxili İşlər Nazirliyinin mətbuat xidmətindən verilən məlumata görə, aparılan araşdırmalarla qeyd olunan məlumat təsdiqini tapdığından İnzibati Xətalar Məcəlləsinin müvafiq maddələrinə uyğun olaraq restoranın sahibi Oqtay Mirzəyev 3000 manat, müğənni Nüşabə Musayeva və onun ad günü şənliyində iştirak edənlərin hər biri isə 200 manat məbləğində cərimə ediliblər.
