Qarabağa 1 milyon azərbaycanlı qayıdandan sonra nə baş verəcək? - Mühüm açıqlama
“Ağdam, Şuşa və işğaldan azad edilən digər şəhər, qəsəbə və kəndlərimiz planlaşdırılan və prezidentə təqdim olunan şəkildə qurulsa, Qarabağa qayıdışın sürətlənəcəyinə inanıram”.
Azsiyasət.com xəbər verir ki, bunu “Atlas” Araşdırmalar Mərkəzinin rəhbəri Elxan Şahinoğlu deyib. Politoloqun sözlərinə görə, Ağdam həm ərazisinə, həm də əhalisinə görə əvvəlkindən daha böyük rayona və şəhərə çevriləcək:
“Bu, dünənki təqdimatdan aydın oldu. Misal üçün Bakıda olmayan tramvay Ağdamda fəaliyyət göstərəcək. Ağdamda sənaye parkının bünövrəsi də qoyuldu. Bu, çox vacibdir, Ağdama 100 min insan qayıdacaqsa, onların məşğul olacaqları sahələr indidən müəyyənləşdirilməlidir. Təhlükəsizlik tədbirlərinin həyata keçirilməsiylə paralel Qarabağa 800 minlə 1 milyon civarında insanın qayıdışının təmin edilməsinin Azərbaycan üçün böyük geosiyasi, iqtisadi və hərbi nəticələri olacaq”.
