“Aslan İsmayılov o nazirdən pul almışdı, dələduzluq edirdi" - Azər Ayxan
“Aslan İsmayılov mənə təklif elədi ki məbləği artıraq, bölüşərik"
"Bu o Aslandı ki, zamanında sabiq nazirlərdən bir neçəsinin maklerliyini edirdi. O nazirlərdən yazmamaq üçün redaksiyalara gedir, qəzet-sayt rəhbərlərilə görüşürdü. Bir sabiq nazirlə bağlı mənimlə də iki dəfə görüşüb. Dil tökdü. Xahiş etdi. O nazirdən pul almışdı. Qaytarmaq istəmirdi. Bunu mənə açıqca dedi. Hələ mənə təklif elədi ki məbləği artıraq, bölüşərik."
Azsiyasət.com xəbər verir ki, bu fikirləri Facebook sosial şəbəkəsində "Yeni Müsavat" qəzetinin baş redaktorunun birinci müavini Azər Ayxan bildirib.
O fikirlərinin ardınca yazır:
“İnanın ki, o vaxt şokdaydım. Aslan İsmayılovu çox böyütmüşdüm gözümdə. O axşam, Nərimanov parkında çilik-çilik olub tametlərin üstünə dağıldı Aslan obrazı gözlərimdə. Onun bu qəbildən olan təkliflərini rədd etdik. Ortada dələduzluq olduğu aşkar idi. Sonra məlum oldu ki, redaksiyalara verəcəyi adıyla həmin nazirdən xeyli pul alıb. İndi bu məişət dələduzu, bəsit bir dolandırıcı bizə və digərlərinə əxlaq dərsi keçmək istəyir. Hər addımda Rauf Arifoğlunun kölgəsini qılınclayır. Vaxt vardı onun qəzetinə müsahibə vermək üçün günlərlə Rauf bəyə yalvarırdı, yaltaqlanırdı. Razılıq verəndə də qoltuğuna bir şokolad qutusu vurub, Zülümov pozasında redaksiyaya girirdi. Gərçi bu adam indiyədək çox yerə girib-çıxıb. Bir növ adətkardadı…”.
