Avropa Məhkəməsi ermənilərin Ramil Səfərovla bağlı iddiasını rədd etdi
Avropa İnsan Haqları Məhkəməsi Ermənistanın Ramil Səfərovla bağlı növbəti iddiasını rədd edib.
Ermənistandan olan iki şikayətçi - öldürülən Qurqen Marqaryanın babası Samvel Minosyan və Hayk Mukuçyanın Azərbaycan və Macarıstana qarşı verdiyi şikayəti təmin etməyib.
Avropa Məhkəməsi iddiaçıların hadisənin Azərbaycanla bağlı olması barədə iddialarını geri çevirərək Qurgen Markaryanın öldürülməsini Ramil Səfərovun şəxsi addımı kimi qiymətləndirib və Azərbay6can dövlətinin hadisəyə heç bir təsrinin olomadığı qənaətinə gəlib. Digər qərarla, Macarıstanın Ramil Səfərovu Azərbaycana təhvil verməsində də heç bir prosessual pozuntu aşkarlamayaraaq, bu ölkəyə qarşı iddiaları da geri çevirib.
İddiaçıların vəkilləri Siranuş Saakyan və Levon Qoryan isə hökmdən şikayət edərək Avropa İnsan Haqları Məhkəməsinin Böyük palatasına müraciət edəcəklərini bildiriblər.
Xatırladaq ki, Ramil Səfərov 2004-cü ildə Müdafiə Nazirliyinin sərəncamı ilə NATO proqramları çərçivəsində Macarıstanın Budapeşt şəhərində keçirilən üç aylıq ingilis dili kurslarına qatılıb.
O, kursun bitməsinə 20 gün qalmış kurs yoldaşı, əslən erməni olan Qurqen Marqaryanı təhqirə görə öldürüb. 2006-ci ilin aprelin 13-də Budapeşt Şəhər Məhkəməsinin qərarı ilə ömürlük azadlıqdan məhrum edilib. 2012-ci ildə Ramil Səfərov Macarıstandan Azərbaycana ekstradisiya olunub və Prezident İlham Əliyev tərəfindən əfv olunub.
