Şəhid Elşən Məmmədov son mənzilə yola salınır - FOTOLAR

Sentyabrın 20-i axşam saatlarından etibarən cəbhə bölgəsində gərginlik başlayıb.

Dünən saat 23 radələrində ermənilərin hərbi Pilotsuz Uçuş Aparatı (PUA) Azərbaycan Hərbi Hava Qüvvələri tərəfindən məhv edilib. Bu gün səhər saatlarında Tovuzun Əlibəyli istiqamətində Azərbaycan ordusunun kiçik çavuşu Məmmədov Elşən Əli oğlu şəhid olub.

Azsiyasət.com musavat.com-a istinadən xəbər verir ki, bu dəqiqələrdə şəhidimizin nəşi Qaziqulu kəndinə gətirilib.

Yas mərasimi üçün hazırlıqlar görülür. Mərasimdə "Yeni Müsavat" Media Qrupunun sədri Rauf Arifoğlu, könüllülər batalyonun keçmiş komandirlərindən Etibar Əmiraslanov, şəhidimizin hərbçi yoldaşları və yüzlərlə Tovuz rayon sakini iştirak edir.