Kərəm Həsənovun bacısının 1 milyonunu mənimsəyən baxıcı evə buraxıldı - Yaxın saatlarda baxıcının sensasiya dolu müsahibəsi dərc olunacaq

Xəbər verdiyimiz kimi, Prezidentin köməkçisi Kərəm Həsənovun bacısı Reyhan Ağarzayeva dələduzluğun qurbanı olmuşdu. R.Ağayevaya 1 milyon manata yaxın maddi ziyan vurmuş Sabirabad rayon sakini Ceyhun Zeynallı və Şəfəq İsmiyevanın 201900094 saylı cinayət işi baxılması üçün Bakı Ağır Cinayətlər Məhkəməsinə göndərilmişdi.

Fala baxmaq adı ilə xüsusilə külli miqdarda dələduzluq etməkdə təqsirləndirilən Şəfəq İsmiyeva ev dustaqlığına buraxılıb.

Azsiyasət.com xəbər verir ki, bu barədə bakupost-a Ş.İsmiyeva özü məlumat verib:

“Baş Prokurorluğun qərarı əsasında yoldaşım həbsdə qaldı, hamilə olduğum üçün isə məni buraxdılar. İndi məhkəmələrə çöldən-çölə gedirəm. Təxminən 10 günə ana olmalıyam, ondan sonra bilmirəm, hökmə qədər çöldən-çölə məhkəmələrə gedib-gəlməyimə icazə veriləcək, yoxsa yox. Təbii ki, hökm veriləndən sonra həbs olunacağam. Ağır Cinayətlər Məhkəməsində açılış məhkəməsi oldu, amma bununla bağlı heç bir söz demədilər”.

P.S. Ş.İsmiyeva bakupost.az-a geniş müsahibə verib. Yaxın saatlarda sensasiya dolu müsahibəni də təqdim edəcəyik.