Qismən səfərbərlik nə deməkdir? - Açıqlama
28 sentyabr, 2020 13:38
“Səfərbərlik haqqında qanunun 3-cü maddəsində göstərilir ki, səfərlik ümumi və qismən elan edilir. Ümumi və qismən səfərbərlik bir-birindən fərqlənir”.
Bu sözləri hərbi ekspert Üzeyir Cəfərov səfərbərlik haqqında danışarkən deyib.
Məlumat üçün deyək ki, artıq Prezident İlham Əliyevin sərəncamı ilə qismən səfərbərlik elan edilib. “Qismən səfərbərlikdə yalnız ehtiyac olan ixtisaslar üzrə çağırış olur. Söhbət təbii ki, hərbi ixtisaslardan gedir. Tibb işçiləri də qismən səfərbərliyə cəlb edilir.
Ümumi səfərbərlikdə isə artıq müəyyən yaş həddinə bütün əli silah tuta bilən vətəndaşlar çağırılır”, - deyə Üzeyir Cəfərov bildirib.
