Türk diplomatı öldürən terrorçu İrəvanda tutuldu
05 may, 2022 11:27
Ermənistan polisi İrəvanda ASALA terror təşkilatının üzvü Ambik Sasunyanı saxlayıb.
Bu barədə hüquq müdafiəçisi Ruben Melikyan bildirib.
Məlumata görə, Sasunyan İrəvanda Baş nazir Nikol Paşinyana qarşı aksiyalar zamanı küçədə saxlanılaraq, polis bölməsinə aparılıb.
Qeyd edək ki, Sasunyan 1982-ci ildə Türkiyənin Los- Ancelesdəki konsulu Kamal Arıkanı qətlə yetirməkdə təqsirli bilinərək ömürlük həbs cəzasına məhkum edilib. 2002-ci ildə federal məhkəmə ona həbsdən 25 il sonra, 2009-cu ildə azadlığa çıxmaq üçün ərizə vermək imkanı yaradıb. Terrorçu 18 aydan sonra yeni petisiya hüququ əldə edib. 2021-ci ilin oktyabrında azadlığa buraxılaraq Ermənistana qayıdıb.
