İrəvanda gərginlik artdı... - Müxalifət prezident iqamətgahına gedən yolları bağladı

Ermənistan paytaxtında gərginlik artıb. Polis prezident sarayı ətraflna böyük qüvvələr toplayır.

"Hraparak" nəşrinin az əvvəl yaydığı məlumata görə, bir müddət öncə "müqavimət hərəkatı" prezident iqamətgahına gedən yolları bağlayıb. Bundan sonra polis girişləri açmağa çalışsa da, nəticəsi olmayıb.

Hazırda prezident iqamətgahı ətrafına nəhəng polis qüvvələri cəlb olunur.

Erməni polisi mütəmadi olaraq səsgücləndiricilər vasitəsilə toplantının qanunsuz olduğunu elan edir və etirazçıları hökumət qüvvələrinin əmrinə tabe olmağa çağırır.