Xaricdən 2,1 manata gətirilən donuz piyini marketdə 18 manata satırlar
29 aprel, 2025 16:42
Bu ilin ilk 2 ayı ərzində Azərbaycana xarici ölkələrdən 647 ton donuz piyi gətirilib.
Ötən ilin eyni dövrü ilə müqayisədə donuz piyinin idxalı 56% və ya 232,6 ton artıb.
Qeyd edək ki, bu il idxal olunan donuz ətinin 1 kiloqramının orta gömrük dəyəri 1,3 dollar (2,1 manat) olub.
Donuz piyi Azərbaycana aşağıdakı ölkələrdən idxal edilib:
Almaniya – 247,9 ton
Danimarka – 227,8 ton
Rusiya – 107,9 ton
İsveç – 48 ,1 ton
Norveç – 15,2 ton
Onu da bildirək ki, xaricdən 2,1 manata idxal edilən donuz piyinin 1 kiloqramı marketlərdə dəfələrlə baha satılır. Məsələn, ölkənin aparıcı marketlərindən olan “Neptun” marketdə donuz piyinin 1 klioqramı 18 manata təqdim edilir.
