Şuşada “Xarıbülbül” Beynəlxalq Musiqi Festivalı başlayır
09 may, 2023 08:40
Bu gündən Azərbaycanın mədəniyyət paytaxtı Şuşa şəhərində Heydər Əliyev Fondu və Mədəniyyət Nazirliyinin təşkilatçılığı ilə “Xarıbülbül” Beynəlxalq Musiqi Festivalı başlayır.
"Azsiyaset.com" xəbər verir ki, bu haqda Mədəniyyət Nazirliyinin rəsmi saytından xəbər verilib.
Dünəndən festival iştirakçıları artıq Şuşaya gəlməkdədirlər.
Qeyd edək ki, Şuşa şəhəri 2023-cü ildə həm də Beynəlxalq Türk Mədəniyyəti Təşkilatı (TÜRKSOY) tərəfindən “Türk dünyasının mədəniyyət paytaxtı” elan edilib. Budəfəki “Xarıbülbül” Beynəlxalq Musiqi Festivalında da TÜRKSOY-a daxil olan ölkələr, regionun türkdilli ölkələri və xalqlarının yaradıcı kollektivləri iştirak edirlər.
